9 août 2011

حريرة رمضان

فكوكوت حطيت
حمص + كرافس و معدنوس و قزبر مقطعين
عواد صحاح ديال الكرافس باش يعطيو البنة + بصلة محكوكة او مشلظة رقيقة
ملح + ابزار + سكين جبير +خرقوم و تحميرة

و عدس نسيت ما صورتوش قبل
درت الزيت و شوية الماء وخليت كلشي يتشحر شوية

ثم زدت الماء حتى عمرات الكوكوت و ضفت السمن
وسديت عليها من 20 الى 30دقيقة

فهاد الثناء خديت 4 مطيشات و صلقتهم
ثم طحنت مطيشة و زدت عليها 2 معالق كبار ديال مطيشة الحك
مللي حليت الكوكوت ضفت المطيشة
وحركتها

مللي بدات تغلى الحريرة زدت شوية ديال الشعرية
ودورتها ب4 معلق كبار ديال الطحين + الماء و خليتها تطيب مزيان حتى ماتبقاش ريحة الطحين و تطيب الشعرية

فاش طاب كلشي خديت بيضة و خفقتها مزيان و درتها فالحريرة و انا كنحرك
ثم طفيت عليها البوطة
وها هي حريرتي واجدة للتقديم مع الحامض

 

6 août 2011

مسمن بالتفاح

المقادير
دارت 400غ دقيق ونصف خمارة والملح والماء الدافئ باش تجمع العجين تدلاك مزيان ونخليوها ترتاح واحد 20 دقيقة ومن بعد انديروها كويرات صغار وها الصور غادي تشرحليكم
ونورقهم بالزبدة والزيت
ونصيحة ...ايطيبو اعلى عافية متوسطة باش ايجيو ابحال العجين الورق

وهادو ماللي دهنهتهم بالكونفتير
 

فطيرة معمرة بالكفتة،السبانخ والخض

العجين:

2 كيسان دقيق

1 كاس سميدة رقيقة

3 م ك زيت زيتون

خمارة الخبز

ملح

3 ملاعق حليب بودر

ماء دافئ للعجن

الحشو:

بصلة مشنفة

خيزو وكرعة محكوكين

شوي كفتة

شوي سبانخ

ملح،ابزار

ضامة البنة كنور

3 بيضات

فروماج محكوك

موتزريلا

كنشحرو البصلة في شوي زيت

ونضيفولها خيزو والكرعة


ومنين يتشحرو حتى هما شوي ضيفو السبانخ،كنور والكفتة ونخليو الكل يطيب




كنخلطو مقادير العجين كلها ونخليوها تخمر


كنخلطو 3 بيضات مع ملح،ابزار ونطيبوهم


منين يخمر العجين كنقسموه الى 3 كرات:وحدة كبيرة ،وحدة متوسطة ووحدة صغيرة


كنورقو الكرة المتوسطة وندهنها بشوي فروماج نتاع الخبز ونوضعو الحشوي ديالنا




ونغطيو بالكرة الصغيرة بعدما نكونو ورقناها


كنديرو الاومليط ديالنا والفروماج



ونغطيو الكل بالكرة المتبقة الكبيرة ونخليوها تخمر 1/2 ساعة


كندهنوها بالبيض مخلط مع شوي حليب ونرشوها بالزنجلان وندخلوها فرن مسخن على درجة 200د


وهاهي بالصحة والراحة


وهدا شكلها من الداخل

بيتزات رولي

المقادير:
ربع كيلو طحين
ربع من الزبدة
نصف كاس من الزيت العود (الزيتون)
قليل قليل من الملح
قليل من خميرة الخبز
وسر د هاد العجينة هي نعملو معها وحد الضامة د كنور (البقر)
نعجنو مزيان هاد الشي بالما دافي

بالنسبة للحشوة غادى نحتاجو

بصلة مشلظة


خيزو محكوك بالحكاكة الغليظة


ربيع


الكفتة


الفرماج


بيضة


نصف كاس زيت


العطرية


نخلطو كلشى المقادير


حتى يكون بهاد الشكل


ندلكو العجينة مزيان و نديرو الخليط على العجينة




و نروليوها و نقطعوها بالسكين


 و ناخد كل قطعة و نبركو عليها و نكونو داهنين بالزيت



و نديروها فى الطاوة حتى تطيب



هدا هو الشكل النهائى نتمنى تعجبكم