21 juillet 2011

حرشة فالفرن

المقادير
نصف كيلو سميدة رقيقة 2 بيضات كاس حياتي عامر زيت (= كاس الا ربع عنبة) كاس حياتي عامر سنيدة خمارة و نصف ديال الحلوة شوية الملح ملعقة صغيرة عامرة خميرة معجونة ملعقة كبيرة نافع ملعقة كبيرة جنجلان
حليب حسب الخليط (تقريبا كاس عنبة حسب نوع السميدة)
الطريقة
نخلطو المقادير اللي عندنا و نبسسو الخليط مزيان باليد ثم نضيف الحليب بشوية و احنا كنخلطو حتى تنسجم العناصر يكون الخليط مرخوف شوية نخليوه يشرب شوية و يشد فراسو ( تقريبا خمس دقائق )ثم نبداو نديروه كويرات متوسطة او حسب الحجم اللي بغينا و نرشوهم مزيان بالسميدة غليضة او رقيقة و نديروهم في لاطة بلا ما نكرصوهم و ندخلوهم للفران يكون مسخن من قبل تكون العافية فوق الحرشة حتى تتشقق عاد نديروها تطيب من التحت ثم نخليوها تبرد و نحتفظ بها في بلاستيكات
كتبقى مزيانة و رطبة حتى لثلاثة ايام
نخليكم مع الطريقة بالصور
  

Aucun commentaire:

Enregistrer un commentaire